კამანი - პატარა იერუსალიმი
კამანი - პატარა იერუსალიმი -- ეს სიტყვები სრულიად საქართველოს კათალიკოს პატრიარქს, უწმინდესს და უნეტარეს ილია მეორეს ეკუთვნის. კამანი მართმადიდებლურ სამყაროში პირველი საუკუნეებიდან გახდა ცნობილი.
იგი მოუხილავთ მაცხოვრის მოწაფეებს ანდრია პირველწოდებულს, სიმონ კანანელსა და ბართლომეს.
არსებობს წმინდა მამების შემდეგი წინასწარმეტყველება: "კამანის დედათა მონასტერი აღდგება.
მეოთხე საუკუნის დასაწყისში, როცა მთელ ბიზანტიაში სასტიკად დევნიდნენ მართმადიდებლებს, კამანში გადაასახლეს დიდმოწამე გიორგის ძმისწული და დიდმოწამე თეოდორე ტირონის დისწული წმინდა ვასილისკო. წმინდანის შესახებ ჩვენამდე მოღწეული გადმოცემის მიხედვით, ქრისტეს თავდადებულმა მხედარმა, ხელებშებორკილმა, ლურსმანებჩაჭედებული ჩექმებით გამოიარა თავისი გოლგოთა-ტანჯვის გზა ბიზანტიიდან საქართველომდე, კამანის მთებამდე. იქ უნდა აღსრულებულიყო უგუნურთა მიერ გამოტანილი განაჩენი... მცველებმა შეისვენეს, მოწამე კი ხეს მიაჯაჭვეს. უცებ მთა იძრა, უცნაურად განათებულ ცაზე უფლის ხატება გამოისახა და გაისმა საკვირველი ხმა; "ნუ გეშინია, მე შენთანა ვარ!" კლდიდან გადმოხეთქილი წყარო მორწმუნის სისხლით შეიღება. ფსკერზე დღესაც ნათლად ჩანს შინდისფრად აფორაჯებული ქვები საკვირველნი განიხსნა... ანკარა წყალმა ჭრილობები შეახორცა და მკურნალად ექცა იქ უფლის სიყვარულით მისულ ყოველ მორწმუნეს.წმინდანს თავი მოჰკვეთეს 308 წელს 4 ივნისს. ქრისტიანებმა როგორღაც მოახერხეს წამებულის ნაწილთა გამოსყიდვა და კამანში დაასაფლავეს, იქვე მისი სახელობის ეკლესია ააგეს.
წყარო:ganakhleba.ge
Comments
Post a Comment